DICIONÁRIO
TRIPLOV
DE AUTORES

AFONSO X

Fillo de Fernando III o Santo, fracasou na disputa pola coroa do Sacro Imperio Romano-Xermánico.

Tomou (reconquistou) varias prazas fortes andaluzas, pero tivo que renunciar ó Algarve e ás súas aspiracións sobre Navarra.

Fomentou a actividade cultural (Escola de Tradutores de Toledo – Escuela de Traductores de Toledo) e el mesmo foi un bo poeta en galego. Ten unha extensa obra, tanto xurídica como científica, histórica e literaria. Destacan El fuero real de Castilla, onde se promulgan e analizan os foros casteláns, o Codigo de las siete partidas, as Tablas alfonsíes, a Crónica general e grand estoria (aproximación histórica), e as Cantigas de Santa María (poesía en galego que marcou o cumio do galego escrito medieval), así como o Lapidario e os libros de xadrez, dados e táboas.

Afonso X realizou tamén a primeira reforma (normativización) ortográfica do castelán, lingua que adoptou como oficial do reino en troques do latín.

A Escola de Tradutores atraeu un grupo de estudiosos cristiáns, xudeus e musulmáns que desenvolveron un importante labor científico, rescatando textos da antigüidade e despois verténdoos ás linguas occidentais, poñendo así os piares do renacemento científico na Europa medieval.

O primero fillo de Afonso, Fernando de La Cerda morreu antes que o pai. Foi o segundo, Sancho, quen o sucedeu no trono.